from 65 USD
Book Now

Buddha-Gaya-Trip

Not Rated
Created with Sketch.

Duration

8 Days / 7 Nights

Created with Sketch.

Tour Type

Daily Tour

Created with Sketch.

Group Size

Unlimited

Created with Sketch.

Languages

English

Itinerary

Expand All
ပထမနေ့ (ရန်ကုန် - ဂယာ)

ရန်ကုန်အပြည်ပြည်ဆိုင်ရာလေဆိပ်မှ အိန္ဒိယနိုင်ငံသို့ လေယာဉ်ဖြင့်ထွက်ခွာကြပြီးညနေပိုင်းတွင် ဂယာသို့ ရောက်ရှိပါမည်။ ဂယာသို့ရောက်ရှိပြီးမဟာဗောဓိစေတီတော်မြတ်ကြီးအားဦးတိုက်ဖူးမြော်ကြကာ မြန်မာဘုန်းတော် ကြီးကျောင်းတွင် အိပ်စက်အနားယူကြပါမည်။

ဒုတိယနေ့ (ဂယာ - ဗာရာဏသ)

ဂယာမြို့ရှိ မြတ်စွာဘုရားရှင် ခြောက်နှစ်တိုင်တိုင် ဒုက္ကရစိယကျင့်ကြံတော်မူခဲ့ရာဒုက္ကရစရိယတောင်သို့သွား ရောက်ဖူးမြော်ကြည်ညိုကြကာထိုမှတဆင့် ဗာရာဏသီမြို့သို့ ဆက်လက်ထွက်ခွာကြပြီးဗာရာဏသီမြို့ရှိ မြန်မာဘုန်း တော်ကြီးကျောင်းတွင် အိပ်စက်အနားယူကြပါမည်။

တတိယနေ့ (ဗာရာဏသီ - သာဝတ)

ဗာရာဏသီမြို့ရှိ မြတ်စွာဘုရားကိုပစ္စဝဂ္ဂီငါးဦးတို့ကခရီးဦးကြိုရာချောက်ခဏ္ဍီစေတီ၊ မြတ်စွာဘုရားမှ တရားဦးဟော ရာဓမ္မရာဇိကကုန်းတော်၊ (သံဝေဇနိယဌာန နှင့် အဝိဇဟိတဌာန) နှင့် ဓမ္မေခစေတီ၊ တရားဟောပလ္လင် ၊ နန္ဒိယကျောင်း နှင့် မူလဂန္ဓကုဋိဓာတ်တော်တိုက်တို့အားဖူးမြော်ပြီးသာဝတ္တိမြို့သို့ဆက်လက်ထွက်ခွာကာသာဝတ္တိမြို့ရှိ မြန်မာဘုန်း တော်ကြီးကျောင်းတွင် အိပ်စက်အနားယူကြပါမည်။

စတုတ္ထနေ့ (သာဝတ္တိ - ဆိုနော်လီ)

သာဝတ္တိမြို့ရှိဇေတဝန်ကျောင်းတော်ရာ (အဝိဇဟိတဌာန)၊ အင်္ဂုလိမာလစေတီ၊ သုဒတ္တစေတီနှင့် သာဝတ္တိမြို့ဟောင်း၊ မြတ်စွာဘုရားတာဝတိံသာနတ်ပြည်သို့ ကြွလှမ်းတော်မူရာသရက်ပင်ကုန်း၊ ဒေဝဒတ် နှင့် စိဉ္စမာနတို့မြေမြို သည့်နေရာတို့အားသွားရောက်လေ့လာပြီးသာဝတ္တိမြို့မှ နီပေါနိုင်ငံသို့ ဆက်လက်ထွက်ခွာကြကာကပ္ပိလဝတ် နှင့် နိကြောဓါရုံကျောင်းတော်ရာ၊ မြတ်စွာဘုရားမွေးဖွားတော်မူရာ လုမ္ဗိနီဥယာဉ်တော်တို့ကို သွားရောက်လေ့လာ ဖူးမြော်ကြပြီးနီပေါနိုင်ငံမှ အိန္ဒိယဘက်သို့ပြန်လည်ထွက်ခွာကြကာဆိုနော်လီရှိမြန်မာဘုန်းတော်ကြီးကျောင်းတွင် အိပ်စက်အနားယူကြပါမည်။

ပဉ္စမနေ့ (ဆိုနော်လီ - ကုသိနာရ)

ဆိုနော်လီမှ ကုသိနာရုံသို့ ဆက်လက်ထွက်ခွာကြကာ မြတ်စွာဘုရားရှင် ပရိနိဗ္ဗာန်စံတော်မူရာ မဟာပရိနိဗ္ဗာန စေတီတော် (သံဝေဇနိယဌာန)၊ တေဇောဓာတ်လောင်ကျွမ်းတော်မူသည့် အင်္ဂါရစေတီနှင့် ပါဝါပြည်မှ ကုသိနာရုံသို့ ကြွချီရာလမ်းတွင် မြတ်စွာဘုရားရှင် နောက်ဆုံးရေကြည်တော်သောက်သုံးတော်မူသည့်နေရာတို့အား ကြည်ညိုဖူး မြော်ကြပြီး မြန်မာဘုန်းတော်ကြီးကျောင်းတွင် အိပ်စက်အနားယူကြပါမည်။

ဆဌမနေ့ (ကုသိနာရုံ - ဝေသာလီ - ရာဇဂြိုလ်)

ဝေသာလီမြို့သို့ဆက်လက်ထွက်ခွာရာလမ်းတွင်ရှိသော မြတ်စွာဘုရားရှင်၏ သပိတ်တော်ဖြင့် ဌာပနာပြုတည် ထားသောကေစရိယပုထိုးတော်ကြီး၊ ဝေသာလီမြို့ရှိမင်္ဂလာရေကန်တော်၊ ဓာတ်တော်စေတီနေရာ၊ အသောကမင်း ကြီး၏ ကျောက်စာတိုင်တို့အားဖူးမြော်လေ့လာကြပြီးတတိယသင်္ဂါယနာတင်ခဲ့သောဝေသာလီမြို့မှ ရာဇဂြိုလ်မြို့သို့ ဆက်လက်ထွက်ခွာပြီးရာဇဂြိုလ်မြိ့ရှိ မြန်မာဘုန်းတော်ကြီးကျောင်းတွင် အိပ်စက်အနားယူကြပါမည်။

သတ္တမနေ့ (ရာဇဂြိုလ် - ဂယာ)

ရာဇဂြိုလ်မြိ့ရှိသာသနာတော်နှစ် (၂၅၀၀) ပြည့်တွင် တည်ထားသောကမ္ဘာငြိမ်းချမ်းရေးစေတီတော် (တစ်ယောက်စီး ထိုင်ခုံစက်လှေကားဖြင့်)၊ ဂိဇ္ဈကုဋိတောင်၊ ဗိမ္ဗိသာရအကျဉ်းထောင်နေရာ၊ ဗိမ္ဗိသာရမင်းကြီးထိန်းသိမ်းခဲ့သော ဆွန်ဘဏ္ဍာတိုက်၊ အဇာတသတ် ဓာတ်တော်တိုက်၊ ဇာတ်နိမ့်ဇာတ်မြင့်များရေချိုးကြရာရေပူစမ်း၊ ဝေဠုဝန်ကျောင်းတော်ရာ၊ ဇီဝကသရက်ဥယာဉ်၊ ကျောက်လှည်းဘီးရာတို့အားသွားရောက်လေ့လာကြပြီး၊ ညနေပိုင်း တွင် နာလန္ဒာတက္ကသိုလ် အဟောင်းနှင့်အသစ်၊ နာလန္ဒာရှေးဟောင်းပြတိုက်၊ နာလန္ဒာတက္ကသိုလ်ရှိမြန်မာနိုင်ငံမှ စာသင်သားသံဃာတော်များအားလေ့လာဖူးမြော်ပူဇော်နိုင်ကြပါမည်။ ထို့နောက် ဂယာမြို့သို့ ဆက်လက်ထွက်ခွာ ကြပြီး ဂယာမြို့ရှိကြယ်သုံးပွင့်အဆင့်ရှိဟိုတယ်တွင် အိပ်စက်အနားယူကြပါမည်။

အဌမနေ့ (ဂယာ - ရန်ကုန်)

ဂယာမြို့ရှိသုဇာတာအိမ်ရာ၊ သုဇာတာဃနာနို့ဆွမ်းဆပ် ကပ်တော်မူရာနေရာ၊ မြက်ရှစ်ဆုပ်လှူတန်းရာနေရာ၊ ဂျပန်ကမာကူရဘုရားကြီးတို့ကိုသွားရောက် လေ့လာလည်ပတ်ကြပါမည်။ထို့နောက် ရန်ကုန်မြို့သို့ပြန်လည်ထွက်ခွာ ရန် ဂယာလေဆိပ်သို့ ပို့ဆောင်ပေးပါမည်။ ညနေပိုင်းတွင် ရန်ကုန်သို့ အေးချမ်းစွာပြန်လည်ရောက်ရှိပြီး စိတ်ကြည်နှုး ဖွယ်ဖြစ်သာဘုရားဖူးတရားနာခရီးစဉ် ပြီးဆုံးမည်ဖြစ်ပါသည်။

Price Lists

ခရီးစဉ်အပြောင်းအလဲရှိနိုင်ပါသည်

Flight Information / သံဝေဇနိယလေးဌာန + နီပေါ (၁၄ – ၂၁ နိုဝင်ဘာလ ၂၀၁၉)

Date Airline Sector Departure Time Arrival Time
14 Nov 2019 MAI RGN – GAY 1200 1320
21 Nov 2019 MAI GAY – RGN 1420 1740

မြန်မာနိုင်ငံကူးလက်မှတ်လျောက်ထားရန်လိုအပ်ချက်များ

သံဃာတော်နှင့်သီလရှင်များ
သာသနာဝင်ကတ်ပြား၊ မြို့နယ် သံဃနာယကအဖွဲ့၏ ထောက်ခံချက်မူရင်းနှင့် မိတ္တူများ (၃) စုံ၊ ဓာတ်ပုံ (၅) ပုံ ( ၂ လက်မပတ်လည် နောက်ခံအဖြူရောင်)။
လူပုဂ္ဂိုလ်များ
မှတ်ပုံတင်ကတ်မူရင်း၊ အိမ်ထောင်စုစာရင်းမူရင်းနှင့် မိတ္တူများ (၃) စုံ၊ ဓာတ်ပုံ (၅) ပုံ ( ၂ လက်မပတ်လည် နောက်ခံအဖြူရောင်)။
အစိုးရဝန်ထမ်းများ
ပြည်ပခွင့်ခံစားခွင့်မူရင်း (ခွင့်ကိစ္စအတွက် တစ်လကြိုတင်ကာပြုလုပ်ရန်)။
အငြိမ်းစားဝန်ထမ်းများ
e Pension Card (သို့) ပင်စင်အမိန့်စာမူရင်း (သို့) ပင်စင် စာအုပ်မူရင်းနှင့် မိတ္တူ (၃) စုံ။

လေယာဉ်လက်မှတ်နှင့် ညအိပ်နေရာများအဆင်ပြေချောမွေ့စေရေးအတွက် ၂ လ ကြိုတင်ကာခရီးစဉ်အတွက် စာရင်းသွင်းပေးကြပါရန် မေတ္တာရပ်ခံအပ်ပါသည်။

ခရီးသည်များသိရှိမှတ်သားရန်အချက်အလက်များ

  1. ခရီးသည်များသည် မိမိတို့သောက်သုံးနေကျဆေးဝါးများ၊ လိမ်းဆေးများယူဆောင်လာရန်။
  2. နှလုံး၊ သွေးတိုး၊ ဆီးချို၊ (၆) လအတွင်းခွဲစိတ်မှုပြုလုပ်ထားသည့်သူများခရီးစဉ်မထွက်ခွာမှီတစ်ပတ်အလို ဆရာဝန်ထံမှ မိမိ၏ ကျန်းမာရေးနှင့် ပတ်သက်သောဆေးစစ်ချက်များ ပြုလုပ်ပေးရန်။ ကျန်းမာရေး နှင့်ပတ်သက်၍ ခရီးစဉ်သွားရောက် လည်ပတ်နေစဉ်အတွင်းမတော်တဆအရေးပေါ်အခြေအနေသို့ ရောက်ရှိ ပါက ဆေးဝါးကုန် ကျစရိတ်များကို ခရီးသည်မှတာဝန်ယူပေးရပါမည်။
  3. မိမိ၏ခရီးဆောင်အိတ်နှင့်အတူအပိုပါသောအိတ်များအားလုံခြုံစွာထုပ်ပိုးထားရန်။
  4. သံဝေဇနိယလေးဌာန နှင့် အဝိဇဟိတလေးဌာနသို့ သွားရောက်ဖူးမြော်မည့်နေ့များတွင် ဝတ်ဆင်ရန်အတွက် ယောဂီပုဆိုး / လုံချည် နှင့် အင်္ကျီအဖြူ ယူဆောင်ရန် နှင့် ခရီးစတင်ထွက်ခွာမည့်နေ့တွင် လေဆိပ်သို့ ဝတ်ဆင်လာရန်။
  5. ခရီးသည်များသည် ဓာတ်မီး၊ ကတ်ကြေး၊ ဓါး၊ လက်သဲညှပ်၊ ခေါင်းလျှော်ရည်၊ Lotion၊ သွားတိုက်ဆေး၊ အရည်ပါသောပစ္စည်းများကို ခရီးဆောင်အိတ်အကြီးထဲသို့ ထည့်၍ သယ်ဆောင်ရန်၊ မိမိ၏ ဘေးလွယ် အိတ်ထဲသို့ ပိုက်ဆံနှင့် အရေးကြီးသော စာရွတ်စာတမ်းများကိုသယ်ဆောင်ရန်နှင့် လေယာဉ်ပေါ်သို့ မီးခြစ်သယ်ယူ၍ မရပါ။
  6. ခရီးသည်များသည် မှတ်ပုံတင်နှင့် သန်းခေါင်းစာရင်းအား လေဆိပ်သို့ ယူဆောင်လာရန် မလိုပါ။
  7. လေဆိပ်သို့ လေယာဉ်မထွက်ခွာမှီ (၂) နာရီစော၍ ကြိုတင်လာရောက်ပေးရန် နောက်ကျ၍ရောက်ရှိပါက ကုမ္ပဏီမှတာဝန်မယူပါ။
  8. လေယာဉ်ပေါ်သို့ ရေသန့်ဗူးများ သယ်ယူ၍မရပါ၊ အစာပြေစားလိုသည့် မုန့်ခြောက်များကို လက်ဆွဲအိတ်ဖြင့် ယူဆောင်လာရန်။
  9. လက်ကိုင်ဖုန်းကို GSM Handset များကိုသာယူဆောင်လာရန်၊ ဖုန်းကဒ်များကိုခရီးစဉ်သွားရောက် လည်ပတ်မည့်နိုင်ငံသို့ ရောက်ရှိသည့်အခါ ဂိုက်၏အကူအညီနှင့်ဝယ်ယူပါ၊ အင်တာနက်ပါပြီး ဖုန်းကဒ်များ ဖြစ်၍ ငွေဖြည့်ပြီး အသုံးပြုနိုင်သည်။
  10. ခရီးသည်များသယ်ဆောင်သွားနိုင်သည့် ကီလိုအလေးချိန်မှာ ခရီးဆောင်အိတ်ကြီး (၃၀) ကီလိုဂရမ်နှင့် လက်ဆွဲအိတ် (၇) ကီလိုဂရမ်ဖြစ်ပါသည်။ သတ်မှတ်ကီလိုထက်ပိုပါက ကီလိုအပိုကြေးပေးဆောင်ရပါမည်။
  11. ခရီးသည်များသည် နိုင်ငံခြားငွေကို ကြိုတင်လဲလှယ်ထားရပါမည်။

Tour's Location

Reviews

0/5
Not Rated
Based on 0 review
Excellent
0
Very Good
0
Average
0
Poor
0
Terrible
0
Showing 1 - 0 of 0 in total

Write a review

Created with Sketch.
from 65 USD

Organized by

peacesoft12

Member Since 2019

You might also like

Get Updates & More

Thoughtful thoughts to your inbox